January 29, 2015

தமிழ்க்குடில் அறக்கட்டளை கவிதை, கட்டுரைப்போட்டி பரிசுகள்

அன்புத்தோழமைகளுக்கு,

தமிழ்க்குடில் நிர்வாகிகளின் அன்பு வணக்கங்கள்.

தமிழ்க்குடில் அறக்கட்டளை நடத்திய கவிதை, கட்டுரை மற்றும் பெண்களுக்கான சிறப்புக் கட்டுரைப்போட்டியில் பரிசுபெற்றவர்களுக்கு அறக்கட்டளை அறிவித்திருந்தபடி பரிசுகள் அனுப்பி வைக்கப்பட்டுள்ளன என்பதை மகிழ்வுடன் தெரிவித்துக் கொள்கிறோம். வெற்றிபெற்ற அனைவருக்கும் மீண்டும் மனமார்ந்த நல்வாழ்த்துகளை தெரிவித்துக்கொள்கிறோம். :) 

முதல் பரிசு -  காசோலை மற்றும் தமிழ்க்குடில் அறக்கட்டளை வழங்கும் சான்றிதழ்

கவிதைப்போட்டி முதல் பரிசு    திருமதி. மாலினி பாலாஜி  - ரூ.1000/- 

கட்டுரைப்போட்டி முதல் பரிசு       சே. குமார்        - ரூ.1000/-

பெண்களுக்கான சிறப்பு
கட்டுரைப்போட்டி முதல் பரிசு   ஜா மீரா பவானி    - ரூ.1500/-
இரண்டாம் பரிசு தமிழ்க்குடில் அறக்கட்டளையின் சிறப்புப் பரிசாக தமிழ் கடிகாரம் மற்றும் சான்றிதழ்.
கவிதைப்போட்டி இரண்டாம் பரிசு           -  திரு. பாரதி. இளஞ்செழியன்   

கட்டுரைப்போட்டி இரண்டாம் பரிசு          - ஜாரா

பெண்களுக்கான சிறப்பு
கட்டுரைப்போட்டி இரண்டாம் பரிசு       -ஸ்டெல்லா தமிழரசி. இர.
மூன்றாம் பரிசு - நூல் மற்றும் தமிழ்க்குடில் அறக்கட்டளை வழங்கும் சான்றிதழ்

கவிதைப்போட்டி மூன்றாம் பரிசு      -  திரு. பிரசன்னா தமிழ்

கட்டுரைப்போட்டி மூன்றாம் பரிசு      - திரு. பா. முத்துராஜ்   

பெண்களுக்கான சிறப்பு
கட்டுரைப்போட்டி மூன்றாம் பரிசு    - மணிமேகலை கைலைவாசன்

பெண்களுக்கான சிறப்பு
கட்டுரைப்போட்டி மூன்றாம் பரிசு    - அபிராமி உமாஷங்கர்
இனிவரும் போட்டிகளிலும் பெருமளவில் பங்குகொண்டு சிறப்பிக்கும்படியும், தமிழ்க்குடில் அறக்கட்டளையின் தொடர்ந்த செயல்பாடுகளில் தங்கள் கரம்கோர்த்து பயணிக்க வேண்டுகிறோம்.

என்றென்றும் அன்புடன்,

தமிழ்க்குடில் அறக்கட்டளை




January 12, 2015

பாரம்பரிய விளையாட்டுப் போட்டிகள் - 2015

அன்புத்தோழமைகளுக்கு, 
தமிழ்க்குடில் நிர்வாகிகளின் அன்பு வணக்கங்கள்.  

தமிழரின் பாரம்பரிய விளையாட்டுகளை நமது இளஞ்சிறார்களிடையே சென்றடையச்செய்து அவர்களை ஊக்குவிக்கும் எண்ணத்தில், தமிழ்க்குடில் அறக்கட்டளை 2014 தமிழர் திருநாளை முன்னிட்டு விளையாட்டு போட்டிகளை நடத்தியது தாங்கள் அறிந்ததே. முதல் முயற்சியாக சென்ற ஆண்டு(2014) அரியலூர் மாவட்டம் சிலம்பூர் கிராமத்தில் போட்டிகளை நடத்திய தமிழ்க்குடில் அறக்கட்டளை  இந்த ஆண்டு அரியலூர் மாவட்டம் சிலம்பூர், ஆண்டிமடம் ஆகிய ஊர்களிலும், தஞ்சை மாவட்டம் புனல்வாசல் கிராமத்திலும் மற்றும் கோவை மாவட்டம் புதுக்காடு கிராமத்திலும் போட்டிகளை நடத்தவிருக்கிறோம் என்பதை மகிழ்வுடன் தெரிவித்துக்கொள்கிறோம். அடுத்தடுத்த ஆண்டுகளில் மற்ற மாவட்டங்களிலும் இந்த விளையாட்டு நிகழ்ச்சிகளை நடத்தவுள்ளோம்.

 நடத்தபடும் விளையாட்டு போட்டிகள்: 
1.   உடற்பயிற்சி சார்ந்த விளையாட்டுகள்
         ஓட்டப்பந்தயம், நீளம் தாண்டுதல், கபடி

2.  மனப்பயிற்சி சார்ந்த விளையாட்டுகள்   
        கோலாட்டம், கும்மி, இசை நாற்காலி

3. அறிவுசார்ந்த விளையாட்டுகள்               
         சதுரங்கம், ஆடுபுலி ஆட்டம், கண்ணாமூச்சி 

4. ஞாபக சக்தி சார்ந்த விளையாட்டுகள்      
        நடித்துக்காட்டுதல், ஒப்புவித்தல், பொருட்களை அடையாளம்காணுதல்.

இது போன்ற தலைப்புகளில் தமிழரின் பாரம்பரிய விளையாட்டுகளை பிரித்துகொண்டு போட்டி நடத்தி பரிசும், சான்றிதழும் வழங்கி மாணவர்கள் சிறப்பிக்கப்படுவர். தங்களுடைய தொடர்ந்த ஒத்துழைப்பையும் ஆதரவையும் தமிழ்க்குடிலுக்கு  தந்து தமிழ்க்குடிலின் இப்பயணத்தில் தொடர்ந்து இணைந்திருக்க தங்களை வேண்டி விரும்பி கேட்டுக்கொள்கிறோம். 

என்றென்றும் அன்புடன் தமிழ்க்குடில் நிர்வாகம்.